Л.Н. Гумилев атындағы Еуразия ұлттық университетінің 30 жылдығына арналған іс-шаралар аясында Қазақстан халқы Ассамблеясы кафедрасының меңгерушісі Наталья Павловна Калашникова Қазақстан Республикасы Парламенті Сенатының Төрағасы Маулен Әшімбаевтың атынан Құрмет грамотасымен марапатталды.
Көптеген жылдар бойы ЕҰУ-дағы ҚХА кафедрасы өзара құрмет, бірлік және келісім құндылықтары төңірегіне ғалымдарды, сарапшыларды, оқытушылар мен жастарды біріктіретін беделді академиялық әрі диалог алаңы болып келеді. Кафедра ұжымы отандық ғылымды дамытуға, жас зерттеушілерді даярлауға және Қазақстандағы этносаралық келісімді нығайтуға елеулі үлес қосып отыр.
Наталья Павловнаны және кафедра ұжымын лайықты марапаттарымен құттықтаймыз, ғылыми, білім беру және қоғамдық қызметте одан әрі табыс тілейміз!
