Алматы облысы Іле ауданында «Құмар ойынға тәуелділіктің (лудомания) алдын алу жолдары» тақырыбында семинар ұйымдастырылды. Іс-шара облыстық Аналар кеңесінің ұйымдастыруымен өтті.
Семинар барысында құмар ойындардың қоғамға және отбасы институтына тигізетін кері әсері, тәуелділіктің әлеуметтік-психологиялық себептері, сондай-ақ оның алдын алу бойынша тиімді тәсілдер жан-жақты қарастырылды.
Аталған шара қатысушылардың ақпараттық және психологиялық сауаттылығын арттыруға, отбасы құндылықтарын насихаттауға, жастар арасында салауатты өмір салтын қалыптастыруға және қоғамдық келісімді нығайтуға бағытталды.
