4 маусым – Мемлекеттік рәміздер күні

Көк байрақ, желбіре, желбіре,
Көк аспан, мөлдіре, мөлдіре!
Қазағым кең жайып қанатын,
Құлпырды ел міне, жер міне!
Еркіндігім,
Сенсің жырым,
Бұлбұл құстай сайратқан!
Желбірей бер,
Көк байрағым,
Аспанымды жайнатқан!
Көк байрақ, желбіре аспанда,
Алтын таң ақ нұрын шашқанда.
Байтақ ел, байтақ жер сенікі,
Жас қазақ, жасқанба, жасқанба!
Жалында, жарқылда, ұланым,
Шарықта, биікте, қыраным!
Желбіре, Көк байрақ, желбіре,
Шырқатып Елімнің ұранын!