Елімізде бала туған сәттен бастап оны тәрбиелеудің барлық кезеңінде қолдау көрсететін кешенді жүйе жұмыс істейді. Қазіргі уақытта отбасыларға арналған бес негізгі жәрдемақы түрі бар:
1. Бала туғанда берілетін біржолғы жәрдемақы:
-
1, 2 және 3-балаға – 164 350 теңге;
-
4-ші және одан кейінгі балаларға – 272 475 теңге.
2. Жүктілік және босану бойынша әлеуметтік төлем:
-
Жұмыс істейтін әйелдерге соңғы 12 айдағы орташа айлық табысына қарай есептеледі.
-
Орташа көлемі: 1,2 миллион теңге.
3. Бала 1,5 жасқа толғанға дейінгі күтім төлемі:
-
Жұмыс істейтін аналар үшін соңғы 2 жылдағы орташа табыстың 40%-ын құрайды.
-
Орташа мөлшері: 86 062 теңге.
4. Көпбалалы отбасыларға берілетін ай сайынғы жәрдемақы:
(Отбасы табысына қарамастан төленеді)
-
4 баласы барларға – 69 330 теңге;
-
5 баласы барларға – 86 673 теңге;
-
6 баласы барларға – 104 017 теңге;
-
7 және одан да көп баласы барларға – 121 360 теңге.
-
«Алтын алқа» және «Күміс алқа» иегерлеріне қосымша қолдау көрсетіледі.
5. Мүгедектігі бар бала тәрбиелеп отырған отбасыларға көмек:
-
Ай сайынғы жәрдемақы мөлшері – 81 871 теңге📌 Бүгінде тек көпбалалы отбасыларға арналған жәрдемақымен ел бойынша 630 мыңнан астам отбасы қамтылған. Бұл — халықты әлеуметтік қолдаудың ең ауқымды бағдарламаларының бірі.
