Премьер-Министрдің орынбасары Жаслан Мәдиевтің төрағалығымен геология саласына жасанды интеллект (ЖИ) технологияларын енгізу мәселелері талқыланды. Президент Қасым-Жомарт Тоқаевтың тапсырмасы аясында қолға алынған бұл жоба Big Data мен предиктивті аналитиканы негізге ала отырып, еліміздегі геологиялық деректердің 90%-ын бірыңғай платформаға біріктіруді көздейді.
Кеңес барысында «EPAM Kazakhstan» және «Terra GeoCube» компаниялары ақпаратты өңдеу жүйелері мен жерсеріктік түсірілімдерді талдайтын ЖИ прототиптерін таныстырды. Бұл технологиялар жаңа кен орындарын табу ықтималдығын арттырып, шығындарды азайтуға мүмкіндік береді.
Ауқымды деректерді өңдеу үшін «Ұлттық ақпараттық технологиялар» АҚ-ға қуатты графикалық процессорлар (GPU) мен 2 петабайттық дискілік кеңістік бөлу тапсырылды. Жаслан Мәдиев ЖИ-ді енгізу ресурстарды іздеу уақытын қысқартып, экономикалық тиімділікті арттыратынын атап өтіп, «Astana Hub» пен тиісті ведомстволарға 2026 жылдың 1 маусымына дейін барлық келісімшарттарды аяқтауды жүктеді.
Толығырақ: https://www.gov.kz/memleket/entities/maidd/press/news/details/1202157?lang=kk
