Бейбітшілік және келісім сарайында 2025 жылдың спорт қорытындысы бойынша Namys спорт сыйлығының үздіктері 14 номинация бойынша марапатталды. Елордада спортпен шұғылданушылар үлесі 42%-ға жетіп, биыл бірнеше ірі спорт кешендері (Sana Sport, QazSwimAcademy, Ozen Fitness т.б.) іске қосылды, деп хабарлайды 01info.kz елорда әкімдігі сайтына сілтеме жасап.
Негізгі номинация жеңімпаздары:
-
Жыл спортшысы: Санжар Тәшкенбай (бокс) – 18 жылдан кейін ел тарихындағы тұңғыш екі дүркін әлем чемпионы.
-
Жыл жаттықтырушысы: Меруерт Балғынбаева – жасөспірімдер арасында әлем чемпионын даярлады.
-
Жыл серпіні: Ақмарал Ерекешева (әлем чемпионы) және Әли Тұрғанбеков (паражүзуден Азия Параойындарының 4 дүркін жүлдегері).
-
Үздік параспортшы: Никита Ермаков (параармрестлингтен әлем чемпионы).
-
Ұлттық спорт үздіктері: Сағындық Әшім (қазақ күресі) және жаттықтырушы Нұржан Қонарбаев (тоғызқұмалақ).
-
Жыл командасы: «Астана» жастар хоккей командасы (Jastar Hokei Lygasy чемпионы).
Үздік ұйымдар мен нысандар:
-
Спорт нысаны: Ozen Fitness (су спорты академиясы).
-
Спорттық ұйым: «Елорда» спорт клубы (мүмкіндігі шектеулі тұлғаларға арналған).
-
Медиа: QAZSPORT телеарнасы және Elordainfo.kz порталы.
Болашақ жоспар: Елордалық спортшылар 2026 жылы Миланда өтетін қысқы Олимпиада ойындарына лицензия алып, дайындықты бастап кетті. Сондай-ақ келер жылы жаңа ұлттық спорт мектебін ашу жоспарланған.
