Қазақстан үкіметі туризмді дамытудың әлемдік тәжірибесіне сүйене отырып, ел экономикасына инвестиция тартудың жаңа қадамын қарастыруда, деп хабарлайды деп хабарлайды 01info.kz Туризм және спорт министрлігінің сайтына сілтеме жасап.
Жүргізілген зерттеулерге сәйкес, Маңғыстау, Жетісу және Алматы облыстарында тек шетел азаматтарына қызмет көрсететін ойын аймақтарын ашу жоспарлануда.
Бұл жобаның басты ерекшелігі — әлеуметтік қорғаныс. Ойын залдарына Қазақстан Республикасының азаматтарына кіруге заң жүзінде қатаң тыйым салынады. Мұндай тәжірибе Вьетнам, Оңтүстік Корея секілді елдерде сәтті қолданылып келеді. Бұл ішкі әлеуметтік тұрақтылықты сақтай отырып, сырттан келетін туристер есебінен бюджетті толтыруға мүмкіндік береді.
Зерттеу қорытындысы бойынша, жергілікті тұрғындар бұл бастамаға оң көзқарас танытып отыр:
-
Маңғыстау облысы: Тұрғындардың 46 пайызы қолдаған. 2029 жылға қарай өңірге 148 мың шетелдік турист келеді деп күтілуде. Бұл 7 мың жаңа жұмыс орнын ашып, бюджетке 1,2 млрд теңге салық әкелмек.
-
Жетісу облысы: Респонденттердің 67 пайызы бұл идеяға қарсы емес. Жоба іске қосылса, жыл сайын бюджетке 2,4 млрд теңге салық түсіп, 700-ге жуық адам жұмыспен қамтылады.
-
Алматы облысы: Тұрғындардың 54,5 пайызы бастаманы қолдады. 2028 жылға қарай екі ойын аймағынан 6,5 млрд теңге салық түсімі күтілуде.
Ойын аймақтарының қызметі «Ойын бизнесі туралы» ҚР Заңына сәйкес қатаң реттеледі. Аймақтардың нақты шекарасын жергілікті әкімдіктер айқындайтын болады.
Мамандардың пікірінше, бұл қадам еліміздегі курорттық инфрақұрылымды жақсартуға және Қазақстанды Орталық Азиядағы тартымды туристік хабқа айналдыруға септігін тигізеді.
