Қазақстандықтар пластикалық ота жасату үшін біржолғы зейнетақы төлемдерін (БЗТ) пайдалана алмайды. Бұл мақсатта қаражатты пайдалану бойынша өтінім қабылдау 2025 жылғы 12 желтоқсаннан бастап тоқтатылды, деп хабарлайды 01info.kz.
Негізгі себептер сұраныстың күрт өсуі болып отыр. Стоматология мен офтальмологияға өтінім қабылдау тоқтатылғаннан кейін, пластикалық отаға сұраныс күрт артқан. Қарашада 3 878 өтініш түссе, желтоқсанның алғашқы 8 күнінде 2 093 өтініш түскен, бұл бұрынғы айлық орташа көрсеткіштен 130 есе көп.
«Отбасы банк» басқарма төрайымы Ләззат Ибрагимованың айтуынша, банк қаражатты делдалдар арқылы заңсыз шешіп алу және оны мақсатсыз пайдалану қаупін көргендіктен, бұл бағытты тоқтатуға мәжбүр болған.
Зейнетақыны пайдаланудың сақталған мүмкіндіктері:
Азаматтар зейнетақы артылған қаражатты келесі мақсаттарға пайдалана алады:
- Тұрғын үй жағдайын жақсарту: (сатып алу, ипотеканы өтеу, депозитті толықтыру).
- Өмірлік маңызды, құны жоғары ем түрлері: сирек ауруларды емдеу, радионуклидтік, радиойод, радиохирургиялық және протондық терапия.
