Биыл Қазақстанда оқу жылын 3,9 миллионнан астам оқушы аяқтады, оның ішінде 215 мыңнан астамы — 11-сынып түлектері. Оқу жылының аяқталуына орай барлық мектептерде «Білімім — Отаныма!» тақырыбында бірыңғай сынып сағаты өтті. Сондай-ақ «Келешек мектептері» ұлттық жобасы аясында елімізде 217 заманауи мектеп пайдалануға берілді.
Жергілікті атқарушы органдар мен министрліктің шешіміне сәйкес, қауіпсіздікті қамтамасыз ету, құқық бұзушылықтың алдын алу және ата-аналардың артық шығынын азайту мақсатында мектеп бітіру кештерін мейрамханаларда, дәмханаларда және табиғат аясында өткізуге қатаң тыйым салынды.
Сонымен қатар, салтанатты шараларға ақша жинауға, мұғалімдерге сыйлықтар беруге, көлік шеруін ұйымдастыруға және аниматорларды тартуға жол берілмейді, ал аттестат тапсыру рәсімі тек мектеп қабырғасында 17–18 маусым аралығында өткізіледі.
9-сынып оқушылары үшін қорытынды емтихандар 2026 жылғы 29 мамыр мен 11 маусым аралығында, ал 11-сынып түлектері үшін 2 маусым мен 15 маусым аралығында өтеді. Негізгі ҰБТ 10 мамыр мен 10 шілде аралығында ұйымдастырылып жатыр және оның форматы мен минималды шекті балдары (ұлттық ЖОО-ларға — 65, басқаларына — 50 балл) өзгеріссіз қалды. Түлектер 4 сағат ішінде 120 тапсырма орындайды және грант конкурсына қатысу үшін тестті екі рет тапсыру мүмкіндігіне ие. Биылғы таңдау бойынша ең көп сұранысқа ие пәндер комбинациясы «Математика-Физика» (17,9%) және «Биология-Химия» (14,5%) болып отыр.
Дереккөз: ҚР ОАМ сайты
