Венесуэладағы жер сілкінісінен кейін ел аспаны рэлейлік шашырау деп аталатын құбылыстың салдарынан қызыл түске боялды, деп хабарлайды VTV телеарнасы.
«Жер сілкінісінен кейін байқалған қызыл аспан — ауадағы бөлшектердің жоғары концентрациясымен байланысты және рэлейлік шашырау деп аталатын оптикалық әрі метеорологиялық құбылыстың нәтижесі», — делінген хабарламада.
VTV арнасының түсіндіруінше, жер сілкінісінен кейін атмосфераға үлкен көлемде шаң, құм және басқа да микроскопиялық бөлшектер тараған. Олар арқылы тек қызыл және қызғылт сары реңктерге сәйкес келетін ұзын толқындар ғана өте алады.
Еске сала кетсек, 24 маусымда Венесуэлада екі мәрте қуатты жерасты дүмпуі болды. АҚШ Геологиялық қызметінің бағалауынша, біріншісінің магнитудасы 7,2-ні, ал екіншісінікі 7,5-ті құраған. Венесуэла билігінің соңғы мәліметтері бойынша, қаза тапқандар саны 1943 адамға жетті. Жүздеген тұрғын үй қирап, инфрақұрылым мен ауруханалар зақымдалған, сондай-ақ елдің бас әуежайы жабылған.
Дереккөз: РИА Новости
