ҚР Парламенті Сенатының Төрағасы Мәулен Сағатханұлы Әшімбаев Қызылордадағы жаңа Достық үйінде болып, облыстық Қазақстан халқы Ассамблеясының мүшелерімен және ҚХА құрылымдарының өкілдерімен кездесті.
Айта кету керек, ҚР Президентінің тапсырмасына сәйкес, 2025 жылы 1 мамыр — Қазақстан халқының бірлігі күні ҚХА 30 жылдығының аясында Достық үйінің іргетасы қаланған еді.
Ал 2026 жылғы 5-6 қаңтар күндері ҚХА Төрағасының орынбасары Марат Алмасұлы Әзілханов Қызылорда облысына барған жұмыс сапарының аясында жаңа Достық үйінің ашылу салтанатына қатысқан болатын.
