ҚР Денсаулық сақтау министрлігі балалар нысандарын алдын ала ескертусіз тексеруді қайта енгізіп, вакциналардың қозғалысын бақылаудың цифрлық жүйесін енгізуді бастады. Соңғы жылдары тексерулер саны азайып, инфекциялық аурулар көбейген. Бұл жағдайды түзету үшін ерекше мемлекеттік бақылау қайта қолданысқа енгізілді.
Цифрландыру арқылы вакциналау процесін автоматтандыру мақсатында Қарағанды облысында пилоттық жоба іске қосылып, ол бүкіл ел бойынша таралатын болады. Жүйе препараттардың сақталуын барлық деңгейде бақылауға мүмкіндік береді.
Сонымен қатар, биыл Ұлттық қоғамдық денсаулық сақтау орталығының базасында бірыңғай иммунопрофилактика орталығы құрылып, вакциналардың қозғалысын есепке алу толық цифрландырылды. Бұл халықты вакциналаудың нақты деңгейін бақылап, олқылықтарға жедел әрекет етуге мүмкіндік береді.
Дереккөз: ДСМ баспасөз қызметі
