Қарағанды облысының Кәсіпкерлер палатасы шағын және орта бизнес өкілдері үшін Германияда кәсіби тағылымдамадан өтіп, еуропалық нарыққа жол ашатын «Іскерлік байланыстар» бағдарламасына өтінім қабылдауды бастады,деп хабарлайды 01info.kz Қарағанды облысы әкімдігінің сайтына сілтеме жасап.
Басқару тәжірибесі бар және жылдық табысы кемінде 10 мың АЕК-ті құрайтын кәсіпкерлерге арналған бұл жоба бес апталық онлайн оқыту мен Германиядағы үш апталық офлайн тәжірибе жинақтау кезеңдерінен тұрады. Биылғы бағдарлама жасыл технологиялар, денсаулық сақтау, ақылды ауыл шаруашылығы және әйелдер кәсіпкерлігі сияқты басым бағыттарды қамтып, қатысушыларға неміс компанияларымен тікелей іскерлік байланыс орнатуға және озық өндіріс тәжірибелерін енгізуге мүмкіндік береді. Облыстың бірқатар кәсіпорындары бұл бағдарламаның игілігін көріп үлгергенін алға тартқан Өңірлік кәсіпкерлер палатасы ниет білдірушілерді Тәттімбет көшесіндегі кеңсесіне немесе электрондық пошта арқылы өтінім жолдауға шақырады.
Өтінімді Қарағанды қаласы, Тәттімбет көшесі, 709 мекенжайында орналасқан Өңірлік кәсіпкерлер палатасының кеңсесіне тапсыруға немесе karaganda@atameken.kz электрондық поштасына жолдауға болады.
Байланыс телефоны: (8-7212) 50-64-18.
