Енді қазақстандық автокөлік иелері мемлекеттік тіркеу нөмірлік белгісін (МТНБ) өз қалауынша таңдау мүмкіндігіне ие болды. Polisia.kz порталының хабарлауынша, бұл жаңашылдық халыққа қолайлы жағдай жасау мақсатында 2026 жылдың 1 қаңтарынан бастап заңды түрде күшіне енді.
Жаңа ережелердің негізгі тұстары:
-
Еркін таңдау: Азаматтар кез келген цифрлық және әріптік тізбектерді өз еркімен біріктіріп, нөмір тапсырыс бере алады.
-
Мерзімі: Жаңа қызмет түрі бойынша өтінімдерді қабылдау 5 қаңтардан бастап арнайы мамандандырылған халыққа қызмет көрсету орталықтарында (Арнайы ХҚКО) басталады.
-
Қызмет құны: Жоғары сұранысқа ие ( VIP) нөмірлерді есептемегенде, жеке таңдалған әріптік және цифрлық белгілері бар МТНБ құны 10 АЕК және 15 АЕК мөлшерінде бекітілген.
«Бұл нормалар азаматтардың сұранысын қанағаттандыру және мемлекеттік қызмет көрсету сапасын арттыру үшін әзірленді», — деп атап өтті ҚР ІІМ Әкімшілік полиция комитетінің ерекше тапсырмалар жөніндегі аға инспекторы Арай Төлегенқызы.
