12 қазан күні Жамбыл облыстық Достық үйінде неміс халқының дәстүрлі Erntedankfest – егін жинау мерекесі мен «Неміс мәдениетінің дәстүрлері мен өнеріне саяхат» атты көрме өтті.
Іс-шараны облыстық немістер қоғамы мен КГУ «Қоғамдық келісім» бірлесе ұйымдастырды.
Көрмеде табиғат көріністері мен ұлттық нақыштағы 200-ге жуық туынды қойылып, көрермендерге эстетикалық әсер сыйлады.
Салтанатты ашылу барысында КГУ «Қоғамдық келісім» басшысының орынбасары Сәуле Құрманқұлова және неміс қоғамының төрағасы Александр Гибнер құттықтау сөз сөйледі.
Мереке барысында ұлттық ән-билер мен тағамдар ұсынылып, «Көңілді үйлену тойы» атты концерттік қойылым көрермендердің зор ықыласына бөленді.
Іс-шара неміс мәдениетінің бай мұрасын таныстырып, этносаралық достықты нығайтты.
#ҚХА30жыл #30летАНК
